სპეცტექნიკა - ,,ჯუბას’’ პრემიუმ ხარისხის გადაზიდვის სერვისი
გადააადგილო მძიმე სპეცტექნიკა ერთი ადგილიდან მეორემდე, თანაც ისე, რომ არ დააზიანო ძვირადღირებული აღჭურვილობა და დაიცვა უსაფრთხოების ყველა სტანდარტი - საკმაოდ რთული ამოცანაა, რომელსაც კომპანია ,,ჯუბა’’ ყოველ ჯერზე დიდი პასუხისმგებლობითა და სიფრთხილით ასრულებს. ჩვენი სპეციალიზებული ავტოპარკი აღჭურვილია უნიკალური ნახევარმისაბმელებით, რომლებსაც გაბარიტული და არაგაბარიტული სპეცტექნიკა საქართველოს ნებისმიერ წერტილში უსაფრთხოდ გადააქვს.
წლების განმავლობაში მიღებული გამოცდილება და თანამედროვე აღჭურვილობა გვაძლევს საშუალებას, მარტივად დავძლიოთ რთული მარშრუტები და თქვენი ტექნიკა დანიშნულების ადგილამდე მინიმალურ დროში მივიტანოთ.
რა სახის სპეცტექნიკის გადაზიდვა შეგვიძლია?
სამშენებლო ტექნიკა: ექსკავატორები, ბულდოზერები, ჯეისიბები, ბობკატები, კატოკები, გრეიდერები, ამწეები, ასფალტის დამგები მანქანები, ბეტონმზიდები, საბურღი დანადგარები და სხვა სამშენებლო დანიშნულების სპეცტექნიკა.
სასოფლო-სამეურნეო ტექნიკა: ტრაქტორები, კომბაინები, სათესი აგრეგატები და სხვა სპეციალიზებული აგროტექნიკა.
სამრეწველო დანადგარები: დაზგები, ჩარხები, გენერატორები, ქვაბები, ტურბინები და სხვა მძიმე ინდუსტრიული აღჭურვილობა.
მძიმე ტვირთები: ბეტონისა და ლითონის კონსტრუქციები, მილები, რეზერვუარები და სხვა მასიური ელემენტები.
რა უპირატესობა აქვს პროფესიონალურ სერვისს?
სპეცტექნიკის ტრანსპორტირება კომპლექსური პროცესია, რომელიც განსაკუთრებულ ცოდნას, შესაბამის აღჭურვილობასა და გამოცდილებას მოითხოვს. არაპროფესიონალური მიდგომა და ტექნიკის არასწორი გადაზიდვა შეიძლება გახდეს:
ძვირადღირებული დაზიანების მიზეზი, რაც მნიშვნელოვან ფინანსურ ზარალს გამოიწვევს
საგზაო უსაფრთხოების სერიოზული რისკი
დროისა და რესურსების არაეფექტური ხარჯვის მიზეზი, დაგეგმვისა და სპეციალიზებული აღჭურვილობის ნაკლებობის გამო
ლოგისტიკური გამოწვევა, რომელიც მუდამ საგზაო მარშრუტების, ნებართვებისა და უსაფრთხოების ზომების გათვალისწინებას მოითხოვს.
რა გამოარჩევას კომპანია ,,ჯუბას’’ სპეცტექნიკის გადაზიდვის სერვისს?
მრავალფეროვანი ავტოპარკი: გვაქვს სხვადასხვა ტიპისა და ზომის სპეციალიზებული ნახევარმისაბმელები (ე.წ. სპეცლაფეტები), როგორც სტანდარტული, ასევე ე.წ. ,,ვანა-მისაბმელები’’, რაც საშუალებას გვაძლევს გადავზიდოთ ნებისმიერი ტიპის ტექნიკა.
მაღალი ტვირთამწეობა: შეგვიძლია საკმაოდ მძიმეწონიანი ტექნიკისა და ტვირთის გადაზიდვა.
სრული გეოგრაფიული დაფარვა: ვმუშაობთ საქართველოს მთელს ტერიტორიაზე, ნებისმიერ რეგიონსა და რთულად მისადგომ ადგილებში, მათ შორის მაღალმთიან და მცირედ დასახლებულ პუნქტებში
მოქნილი გრაფიკი: ტექნიკის გადაზიდვა შეგვიძლია თქვენთვის სასურველ ნებისმიერ დროს, მათ შორის არასამუშაო საათებშიც.
მრავალწლიანი პრაქტიკული გამოცდილება: ათეულობით წლის განმავლობაში ,,ჯუბას’’ გუნდმა დააგროვა როგორც პრაქტიკული, ისე თეორიული ცოდნა სამშენებლო და სასოფლო-სამეურნეო ტექნიკის უსაფრთხო გადაზიდვის მიმართულებით.
ინდივიდუალური მიდგომა: თითოეული გადაზიდვის მარშრუტსა და პირობებს ვგეგმავთ კონკრეტული ტექნიკის სპეციფიკისა და კლიენტის მოთხოვნების გათვალისწინებით.
როდის გჭირდებათ ჩვენი სერვისი?
ახლად შეძენილი სპეცტექნიკის სამუშაო ობიექტამდე გადასატანად
სამშენებლო ობიექტებს შორის ტექნიკის გადაადგილებისას
სეზონური სასოფლო-სამეურნეო სამუშაოების დროს სხვადასხვა სავარგულებზე გადასვლისას
საწარმოს გადაიარაღებისას ან გაფართოებისას ახალი დანადგარების ინსტალაციისთვის
მძიმე დანადგარების ან აღჭურვილობის მონტაჟისა და დემონტაჟის პროცესში
საგანგებო სიტუაციებში, როდესაც საჭიროა დაზიანებული ან გაუმართავი ტექნიკის გადაადგილება
დაგვიკავშირდით და მიიღეთ დეტალური კონსულტაცია კონკრეტული სპეცტექნიკის გადაზიდვასთან დაკავშირებით. ,,ჯუბას’’ გამოცდილი გუნდი თქვენი ტექნიკის უსაფრთხო და დროულ ტრანსპორტირებას საქართველოს მასშტაბით ნებისმიერ მისამართზე შეძლებს.
